CHU TLANGAH CHUAN VA CHAWL LA -- GO REST HIGH ON THAT MOUNTAIN

“Go rest high on that mountain”  - A Mizo hlaa lehlin – “Chu tlangah chuan va chawl la” tih hi internet lamah ka’n en kual ve hnuhnawh a. A Mizo version hi a mawi ka ti hle mai a. Mi fate hriat bel hlurh tawh ka han hriat ve hian a tha danglam riauvin ka hria a. Ka’n tar lang mai mai teh ang:

A phuahtu Vince Gill hi (Wikipedia.org in a tar lan dan chuan) country song phuah thin a lo ni a. Kum 1989-a country music lama superstar Keith Whitley a han boral khân Vince Gill hian he hla hi a phuah tan a. A zo nghal mai lo va, a hnu kum 1993-a a unaupa ( a u) Bob-a heart attack-a a boral chuan a phuah zawm ta a, tuna a nih ang hi a lo ni ta a ni. Zan khat phur thut phuah liam puat zawng a lo ni lo deuh awm e!

Kum 1996-ah he hla hian CMA’s Song of the Year lawmman la in, 1997-ah BMI’s Most- Performed Song award a dawng leh a. Grammy Award-ah Best Male Country Vocal Performance leh Best Country Song  (38^th Grammy Awards 1996) a dawng bawk a. Tin, 1995-ah khan a hla hi Country SIngles chart-ah # 14-na a lo hauh tawh bawk a ni.

A hla Vince Gill-a’n a sak lai hi Youtube lamah thlir theihin a awm a. Ngun taka ngaihthlak dawl tak leh rilru khawih tak a ni e.

Go Rest High On That Mountain lyrics
Songwriter: Gill, Vince;

[- From : http://www.elyrics.net/read/v/vince-gill-lyrics/go-rest-high-on-that-mountain-lyrics.html  ]


I know your life on earth was troubled
And only you could know the pain
You weren't afraid to face the Devil
You were no stranger to the rain

Go rest high on that mountain
Son your work on earth is done
Go to Heaven a shoutin'
Love for the Father and the Son

Oh, how we cried the day you left us
We gathered round your grave to grieve
Wish I could see the angels' faces
When they hear your sweet voice sing

So go rest high on that mountain
Son, your work on earth is done
Go to Heaven a shoutin'
Love for the Father and the Son

So go rest high on that mountain
Son, your work on earth is done
Go to Heaven a shoutin'
Love for the Father and the Son

Go to Heaven a shoutin'
Love for the Father and the Son

Mi tam takin he lyrics website-ah hian comment an pe in, an thian leh chhung khat hnaivai boral tate chungchangah he hlain a hnem thin ziate an ziak kur ngiai nguai mai.

He hla comments-te chu a ngai ngaiin (http://www.elyrics.net/read/v/vince-gill-lyrics/go-rest-high-on-that-mountain-lyrics.html)

Joannie 04/14/12,23:02
I lost my beloved son, age 23. This beautiful song gives me hope of when I will see him again. Beautifully written and sung.

Jackie 04/04/12,16:37
This song was sung at the funeral of a 90 years old woman. The melody was mostly in minor tones...the text unbiblical and the effects of it on several of the family was extreme depression.

springfield 03/27/12,21:19
This song was sung at my brother's funeral. This song told his story. Everyone in the church agreed the song must have been written for my brother.

Sedrack 03/22/12,03:47
Its an inspiring song,at the same time a sorrowful song. thanks Vince Gill

Pat 03/08/12,10:54
This song was sung by two very talented brothers at our celebration of life service for my husband. He was 92 and long time rancher, fed his cattle, by himself, day before his death. Thanks, V.Gill.

Lynette 02/22/12,17:57
This songs means a lot, I listened to it when I lost one of my very best guy friends, he is dearly missed and I know that there is HOPE that I will see him again someday. Thanks Vince Gill!

bonnie 02/09/12,19:45
lost my only child 2years ago my presious son kenny only 35 it still seems like yesrday the hurt never goes away when i heard this song it was meant for me and my beloved thanks vince god bless you

Robin 01/30/12,09:09
I just lost my mama 2 months ago, and this song is so beautiful. I love to think of how she is in a better place resting with the father and the son. I know onday I will be with her again!

Traci & Jacoby 12/11/11,17:49
We lost my on and Jacobys brother, JERID and we will forever be lost. This song was one of the beautiful songs played for him at his service. Gives me hope. Thank you Vince Gill.

Donna D 11/30/11,00:21
We played this song at my daddy's funeral in 1998. Beautiful song!!!

Alvin 11/10/11,17:20
A great song by one of the best country singers and a great song writer. proud to be an okie also

Christina Cooper 10/13/11,14:45
THIS IS A REALLY GOOD SONG I LOVE IT.. :)

Anganile- Malawi 09/26/11,07:28
i lost my brother in-law in a car accident. This song gives me hope that one day i will surely meet him in Gods kingdom.

Erica 07/24/11,00:01
Lost my dad 8 months ago. This was sang at his funeral and was beautiful. I know he is resting high on that mountain with the Father and the Son in their beautiful kingdom. I love you Daddy.

stephanie 07/10/11,00:43
i lost my son on december 3,2010 and he was only 5 months so this song reminds me of him i miss him so much

Mizote pawh hian hetianga hla thu pho chhuahna website te hi nei ve ila a tihchi hle turah ka ngai a. A lo awm reng tawh maithei bawk a...Tithei awm hlauh se a duhawm hle mai. Keia han chhai chi lah a ni hauh si lo.

LALPA ISUA THAWHLEHNA HI ENG NGE I NIHPUI?

Chu Isua chu kan sual avangin mantirin a awm a, thiam kan channa turin kaihthawhin a awm bawk a (Rom. 4:25).

Chutichuan, amaha Pathian hnena lo kalte chu a tawpkhawk thlengin a chhandam thei bawk a ni, anmahni tawngtaisak turin chatuana a nun reng avangin (Heb. 7:25).

            Pathian chatuan thiltum chu a hmangaih mihring, Setana bumna avanga suala tlu tawhte ngaihdam nâna an aiawha tuartu inthawina, Ama fapa neihchhun Isua Krista ngei kal tlanga buatsaih leh, Krista Isua zârah chatuan atâna sual bumnaa tâng leh fo tawh lo tura A Thlarau Thianghlim ngeia chênchilh leh kaihhruai zui zêl hi a ni. Chû Pa leh Fapa leh Thlarau Thianghlim chênchilhna avâng chauh chuan sual laka chhandamna hi a awm thei.

            Chhandamna chungchangah hian sual mawh phurhna ata fihlîmna hi chu Thuthlung Hlui huna ran thisena inthawina avang pawh khân, sualte ngaihdam nâna tuarsaktu ran thihna chu a thawi misualte thihnaa Lalpa’n a pawm avangin, simte tân Lalpa ngaihdamna a awm a. Amaherawhchu, chûng ran, misualte tuarsaktu te chuan an tuarsaka te nun leh thinlung tithianghlim zui turin thil tihtheihna an nei lo. Chuvangin a inthawiate chuan an pianpui thinlung pângngai (pianpui nun) chauh an neih zui tho avângin an inthawi lai mêk leh inthawi zawh hnuah pawh an sual leh luhlul dân chu a ngaitê bawk a ni reng \hîn.

            Lal Isua Krista erawh chu kan sual thawina atana a taksa ngeia inhlân a nih bâkah, a thih chhan sual ze pu mihringte nihna zawng zawngte hnehin, Amaha rinchhantute (a thu awihtute) chu sual leh a thiltihtheihna laka tihthianghlim (an thiltih sual laka chhandam) an nih zui zel nân Ama nun ngei chu (kan pianpui nun leh zia neihsa ni lovin) Amah kan rinchhan pumhlum maia kan lo neih ve tura a thlâwna Pathianin min pêk leh, chu mi atâna lei leh vana thuneihna zawng zawng neitu ni chunga thlân a\anga tho leh a ni. A thawhleh a\anga chatuan thlenga a nun reng dawn avang hian a inhlanna chu chatuan atan vawi khat chauh kha a tâwk êm êm bawk.

            Aw le, Mizorama ringtu / Kristian intite Isua kan rin dan hi kan inngaihtuah thar a \ûl hle mai. Hremhmun leh thil \ha lo nia kan ngaih, kan hlauh leh kan ninzâwngte laka fihlîma, \ha leh âwm kan tihzâwnga zalên taka nun theih te, Pathianin kan sual avânga kan laka phuba min lâkna tûr laka fihlîm nâna min ngaihdamna te hi chu duh nachâng kan hre hle hlawm a. Kan \awng\ainaah pawh kan chham tel tam pâwl a ni bawk âwm e. Kan sualzia leh ngaihdam ngai kan nih inhriatna neiin sual ngaihdam nâna Lal Isua thihsakna rin nachâng kan hre hle hlawm a. Amaherawhchu, sawi tâk anga ran hmanga inthawina ang chauhvin Lal Isua chhandamna hnathawh hi rin tum kan tam a. Simna tak tak tel lovin sual nuamti leh thlahlel tlat chungin, ngaihdam nih erawh chu duh hle siin kan nung ni ber. Hetiang Kristiante hi Sunday School-a inkhawm bâk Pathian pâwlna thlâkhlelhna tak tak nei lo te leh inkhâwm ngaihsak map lote zîngah an tam hmêl. Chhandamna hi chutiang mite tân a awm lo.

            Chu aia \ha leh deuh anga ngaih theih ringtu chi dang an la awm leh a. An nun dâna sual leh \ha lo nia an hriatte duh lohna châng hriain, chûngte avânga ngaihdamna chan nân Isua thihna hi (aikal angin) an ring leh bawk a. A hmasa te aia an danglamna chu anmahni duh ang leh \ha leh âwmtih anga nung \ha turin theihtâwp an chhuah bîk hi a ni âwm e. Tin, an rilrua thil\ha tih tur nia an hriatte chu mahni leh midangte an inzirtîr châmchi bawk (Isaia 29:13; Mat. 15:9). Chûng nundân \hate chu mihring luhlul leh tihmawhin a zâwm famkim thei lo (Rom 7: 18,19; Heb. 9:9). Anmahnia ‘nung’ chu anmahni tho an la nih avangin thiltih sual lakah a chhandam leh tihfihlîm tak takna an nei thei lo va. Chutih laiin an tlin chin bâk chu “Mihring nih laiin hei bâk a tihtheih loh, Pathianin kan theihtâwk bâk a phût lo,” tiin anmahni an insawi mâmin an in\awng thlamuan chawp a (Pathian thianghlim hi mihringte theihtawp chhuahnaah lungawi ni se Ropuina Lal hi khenbeh a ngai lo vang a, Krista-a Nun ropui tak hi pêk hranpa kan mamawh hauh lo vang tihte hi an hre lo).

            An thlamuanna pawh chu thil\ha tih tama tihpun tumin \an an la fo va, a sâwt lohzia hretu pawh anmahni tho an ni. Mahse, a bâk tihngaihna tak an hre si lo. “Thi ta la Vanramah i kal ang em?” tih zawhna pawh “Lal Isua ka aia a thih avangin ka kalin ka ring.” tia ngaihtuah chawp chunga chhâng \hînte an ni. Chûng mite pawh chuan Chatuana Nunna hi tam takin (a full-in) an la nei lo. Chi nung erawh chu anmahni-ah tuh-in a awmin avawi khatna atana Kraws pan mêktute an ni a, “Lal Isua ta / Krista Isua mite” erawh chu an la ni lo va (Mat. 1:21; Galatia 5:24), Chatuana Nunna pawh thih ruala neih chauh turah an ngai fo bawk (I Joh. 5:12). Anmahni remruat chawpa \ha an tihzâwngte tihlawhtling tura thawhpui atan Pathian an au taima hle thei. Hêng mite hi mahni ngaiha thahnem ngai taka rawngbawltute zîngah an tam thei ang.

            Lal Isua’n tehkhin thu hmangin engtin nge a sawi kha? Tupawh “talent / buh chi (Thlarau Thianghlim / Pathian Thu) kawltîr ni si a tipung / châwm lian duh lo, khawvel thila chîm raltirtu chu a dawn ang chhun chhun pawh lâksak leh daih tur a nih thu a sawi kha ngaih pawimawh tur a ni (Mat. 13:1-12; Marka 4:1-25; Luka 19:12-27).

            Anih leh, engtin nge Chhandamna / Chatuan Nunna chu kan chan theih ang?

            Kraws-a ‘thi’ Isua kha aikal atana rinchhana mahni rem inruat anga nun \hat tuma theihtâwp chhuah zui mainaah hian nunna a awm lo va. “Lei leh Vâna thuneihna zawng zawng ka hnenah pêk a ni tawh,” titu Tholeh Lalpa Krista Isua hi a thu awih turin, mahniin sual nia kan hriatte bâkah, kan mimal remruatna pum pui, thil \ha tih tuma rem kan lo ruat \hinna zawng zawng kan lal\hutthlêng \heuhte chawp hian kan thlauhthlâk a, kan awmdan tura REMRUATTU leh a remruat anga nung thei tur pawha THILTIHTHEIHNA HNÂR atâna rinchhana, Ama hnenah kan tlûk luh fai vek chauh hian Krista Isua hian a inhlanna Kraws-ah khân kan nihna sual chu a phurin min silfai thei chauh va. Chutianga a silfaite-ah chauh chuan chatuana Nunna neitu chu keini misualteah hian lo lûtin, Nun Thar – Pathian thu awih thei nun (Ama Nun) chu kan lo nei thei chauh a ni (Deut. 30:6; Tirhkohte 2:38; Ezek. 11:19-21; Heb. 10:15-17; Joh. 13:8). Chutiang thilmak chu Pathian khawngaihnaa Thlarau Thianghlim hnathawh avang chauhvin a lo thleng bawk (Ephesi 2:8-9).

            Tholeh Krista Isua, A Thlarau Thianghlima misual thinlunga a lo luha, chu mihringah chuan Remruattu a nih zui zel avang hian chu mihring chu Thlarau Thianghlim zâra (Pa-in a lawm êm êm, A Fapa duh tak) Krista-a awm / innghat leh A thu awih a nih tâk avangin Krista-ah chuan chu mihring chuan “Pathian lawm” a lo hlawh ve ta a. Thlarau Thianghlim kaihhruaiin a mihring pianpui nunziate chu Isua Krista Kraws thiltihtheihnaa chin ral ni zelin amahah Krista a lo nung ta a ni (Isaia 30:20,21; Joh. 16:13; I Joh 5:7; Gal. 2:20). Tin, chu mihringa lo chêng leh a neitu lo ni ta Tholeh Lalpa Krista Isua chu he leia amah rinchhantute an la dam mêk lai a\anga anmahni neitu, kaihruaitu leh enkawltu niin, thihna lui râpthlâk tak pawh thlamuang taka hruai kaia, A hnena chêng hlen tura Vânram hruai thlengtu tur chu a ni.

            Hetah hian - Krista neitu dik tak te hi A thu an awih loh lai erawh chuan an chungah Pathian a lâwm hauh lo va, anmahnia awm Thlarau Thianghlim chu a lungngâi \hîn tih hriat erawh a pawimawh êm êm. Krista neitawhtu nih avanga eng ang pawha awma Pathian lâwm reng tura zirtirna hi dâwt muhlûm leh hlauhawm tak a ni. Krista neitu tak tak chuan amahah Thlarau Thianghlim, sual chu sual a ni tih hriattirtu nung (Krista rilru) hruaina avangin thil sual a lo ti palh a nih pawhin Pathian nena inrem leh thuai turin Krista hnena thupha châwiin an inlamlêt thuai lo thei lo zâwk \hîn.

            Chhiartu duhtak, Kraws-a thi Isua Krista chauh kha nge i rinchhan a, Lei leh Vana thuneihna zawng zawng kawltu, amaha engkim siamthartu ni mêk, tuna Krista Isua hi?

            He thu tawitê a\ang hian chhandamna kawng ang tak, a tak tak Krista (Kawng leh Thutak leh Nunna) ni si lo chu zawhin i lo \ûl reng em tih lo inenfiah ang che. Inneihna ruai kiltu “Inneih Puan sin kher aia mahni theih tâwka nalha lo inchei duhtâwk lui tlattu mi pakhat” (Mat. 22:1-14) ang mai khân, a saseh tak tak a lo thlen huna hnâwl leh pâwn lam thima phuar chunga paih chhuah tur i lo ni hlauh dah ang e. Chhandamna (Kristaa Nunna – Life in Christ) chu mahni theihtâwka \haa nun-ah ni lovin, Tho leh Krista Isua hnena a remruat ang zela nung tawh tura in-surrender pumhlûmte tân Pathian khawngaihnaa neih theih a ni e.

            Lalpa’n malsawm che rawh se.

PATHIAN THU KAN ZIR LEH NGAIHTHLAK DAN HI

PATHIAN THU KAN ZIR LEH NGAIHTHLAK DAN HI

Kumina kan Kohhran Puitling Sunday School Zirlai hi a buatsaihtu lam chu Pathianin a buatsaih hle turah ngai ila. Kan Mizoram Kristiante tana tangkai tur zir chhuah ngei a duhawm hle mai. Nikumah Chhandamna tih kan zir a. Kha kha atir atangin kan mamawh tak niin a zirtute pawhin Isua mite (Kristian) kan nihna zawna hma kan sawnpui ngei pawh a duhawmin a beiseiawm hle kha a ni a. Eng nge kan anpui tak tih erawh chu mahni kan inhre ber theuh ang a, kan insawi fiahsak thei lovah ngai ila.

Ama'rawhchu, keima mimal thlir dan atang hi chuan, han ti ve khanglang ila, Mizo-te hi 'rei daih lohna hri' hian min man nghet deuh em ni chu a tih theih thinin ka hria. Hman kum lawkah Nilai / Beihrual thupui atan Kristian huaisen leh martarte chanchin ngaihnawm tak kan zir a. Kha khan a zirtute nunah martar huam phahna min neihtir hlawm em aw? tih hi ka ngaihtuah neuh neuh thin a. Kan zir lai pawh khan tum khat chu "Eng atana mi huaisen martar-te chanchin hi zir nge nia kan inhriat hlawm ang aw?" tih ngaihtuahna hian min luah lian hle mai a. Pathian mirinawm leh huaisente chanchin kan zir a, ngaihnawm tak tak vek an ni mai a. Mahse, eng nge kan nih phah tak? tih hi zawhna pawimawh tak niin ka hre thin.

Ngaihnawm ti taka kan zir laite khan tu emaw tal hian, "Hetianga mihuaisente ang hian Lal Isua hi ka'n zui ve tawh teh ang." tih phah kan awm ang em? Nge ni a, an va huaisen bik em! tiin, ngaihnawm ti tak leh Martar-te martar dan leh an huaisen ziate hriat hle kha kan duhtawk mai zawk? Chhiartu duh tak, nang eng nge i rilruah awm le?

Nikum 2011 maia kan zir 'Chhandamna' ah pawh khan mihringte hi sual laka chhandam ngai kan nih thute, kan nun eng pawh mai chhandam a tul thu te, Chhandamtu tak tak chu Lal Isua Krista chauh a nihzia te, Chhandamna chu Pathian min siamsak a nihzia te kan zir a. Hriat pawh kan hre hle bawk turah ngai ila. Mahse, chhandamna awmzia leh mihringin a mamawh dan te etc. etc chu hre hlea kan inngaih lai ngei hian - Chhandam nih hi kan duh tak meuh em? tih bawk hi a pawimawh lai niin ka hre ve tlat thin. Hremhmun laka him duh, mahse sual leh dik lohna zar zo nuam ti, thlahlel leh thlah phal lo tlat si 'Kristian inti' kan tam hle awm e!

Chhandamna chungchang zirzo hlim chauh kan ni chung hian, tuna ka nun hi chhandam nun, ka tawngkam leh chetzia / hawiher te zawng zawng hi chhandam nun / tawngka chhuak leh chetzia a ni em/ tiha buai ta kan awm em le?

Chu lai tak chu a buaithlak lai chu a ni ta a. Thu tha pui pui pawh zirin, Sermon-ah ngaithlain hre hle thin mah ila, kan thu hriatte hi kan nun takah hian kan seng lut ngam lovin, a tam zawkah chuan sawi chhawng ve thei tawka "hria" nih hi kan duhtawk tlat a, KAN NUNAH kan seng lut duh lo reng reng niin a lang. Lalpa Pathian, Vanram neitupa hian Lal Isua chanchin hretute zawng zawng hi a chhandam hauh lo ang bawkin, heng thu ropui tak tak leh ngaihnawm tak takte hretu chauh niha duhtawk a, nun chhungril thlenga seng lut duh hauh lo te hian kan thu ngaihthlak leh hriat, kan Sunday School Zirlaite leh Nilai Thupui-te thleng hian kan sawtpui vak lo leh thin a ni.

Kumin (2012) puitling zirlai pawh hi - Lalpa a thutiama a din ngheh zia te, mihringte a hmangaih zia leh a thianghlim zia te, Pathian thianghlim leh thiltithei, finna leh remhriatna zawng zawng neitu, a duh apiang tihlawhchham ngai lo a nih dan te leh, a hmangaih mihring, mahni kawnga tisa mit leh hriatna ring tlata peng bo reng mai thinte Nunna Kawnga hruai a duh ziate, a hmaah chuan keini a laka 'thi tawh leh rimchhia, thianghlim lo' kan nih avanga kan mihring pianpui nun hi kan roh tlat chhung chuan a huang chhung ata "Dai pawnah" paih chhuah kan ni reng dawn tihte, chuti chunga min hmangaihna nasa tak avanga chatuan atana min neih hlen theih nana min tihthianghlim a duhzia te kan zir chho leh dawn a ni a. Chungte chu zir chhuak a, Ama lam tang chunga mahni theuh hi indo nachang kan hriat phah a duhawm hle mai. Sawichhawn tur hre tawka zir kan duhtawk leh chauh a nih chuan a zia lo leh hle dawn a ni. Pathian khawngaihna zarah kan nunah Lalpa Ram zauh phah se a duhawm hle mai.

LALBER CHIBAI BÛK NAN

            Birthday kan lawm tam ber, a birthday neitu dam lai ngeia kan lawm thin angah hi chuan a birthday neitu tana duhsakna hlanin theih ang angin thilpêk kan inpe a. Hlim takin hun kan hmangho thîn a ni. An thih hnua an birthday lawm zui tlâk Pu Gandhi-ate ang chu an birthday a lo thlenin an dam laia an thiltih ropuite kan sawi chhuak thar leh thîn.

            Lei mi ropui Pu Gandhia chu a birthday-ah chuan a nu leh pate, a unaute leh laichîn dangte hming leh, a lo pianna khua leh hospital awmna pawh hre hauh lo mah ila, a birthday a lo thlen apiang hian rual pâwl phâk lo keini ang thleng pawhin a hnathawh zawhsâa lêng kan nih kan chiang a. A zirtîrna te kan ngaisang thar leh thîn. A birthday lâwma zah leh chawimawina thilhlan petute zîngah meuh pawh a lo pian dan leh seilen dan ai mahin a zirtirna leh a hnathawh ropui tak takte chuan sawi nawn a hlawh fo bawk.

            Isua Krista birthday lawmnaah erawh chuan, amah ngaisângtute’n ropui takin ruaipui nen a birthday an lâwm kum tin thîn a. Mahse, kum ruk kalta vel atanga mak ka tih tâk deuh riau chu: mi tam ber hian, keimah ngei pawh hi telin Krismas apiangin Isua hi kan lo chei nausên thar deuh tlata lang hi a ni.

A nuin a lo pai tan dante, a nu leh pa chanchin tlêm azâwngte, a lo pian dân leh Pathian zâwlneite’n a lo pian tur thu an hrilh lâwknate, etc. hi mihring satliah mai a nih loh avang leh Pathian hnen ata chatuan atana kan dam nana lo kal a nih avangin sawi nawn phû zawng a ni rêng e! Amaherawhchu kan Krismas Rilru hi heta tâwp mai tur hi a ni lo vang.

A birthday tûka ‘Nausên / Nau piang Chibai Bûkna’ thawhlâwm bâwmte hi... Krismas-ah hian nau piang, chibai bûk tlâk an awm thar te a nih loh chuan “Lalber Chibai Bûkna” tia thlâk tur a ni lo maw? Nge Isua Krista hi kan ngai nausên thar leh ziah zâwk? A upat tawh tehrêng nên. I birthday lâwm ni ta se mak i ti viau lo’ng maw? Pu Gandhi-a birthday-ah hian a pian lai thu chauh sawiin duhtâwk ziah ta mai ila, “A kim lo mang e,” kan tih vek ka ring.

            Mihring kum chhiar pawhin kan Lal Isua kum hi kum 2000 aiin a tam tawh hrim hrim a. “Alpha leh Omega – a bul leh a tâwp” a la ni zâwk lehnghal. Nausên chumchiap mai ni tawh lovin, kan chhandamna atana tûl zawng zawng a hlen chhuak a, a thih chhan mihringa sualna zungkaih leh Setana thiltihtheihna zawng zawng hneh mâm paka Hnehtu Ropui nia a tho lehin, Amah rinchhantu apiangte chu Ama nun tâwmtîra NUN THAR pe mêktu a ni a, vân hmunahte khian thiltihtheihnate leh Vantirhkohte pawh ama thu thu-a awmtîr mêkin a awm a. Ama insawi dan takin “Lei leh vana thuneihna zawng zawng neitu” a ni tawp tawh mai a ni.

            Eng kan ti nge Krismas a lo thlen apianga chutiang Lal ropui Isua Krista chu nausên, engmah ti thei lo, ran chaw pêkna thlênga mû anga kan lo mitthlâ thar leh ziah \hin hi le? Kawtthler remchang lai leh Biak In tualahte meuh pawh a pian lai min hriattir nawn leh thei lam milem leh milimte kan târ a ni a. A pian ngei zia hi tihchian kan tum em ni? A pianna bâwr vel thu lo a chanchin dang sawi chu Krismas lo riauvin kan hre lehnghal a. Hei vângte hian a nih ka ring hial thîn – Krismas bawra sual hnathawh a pun hluai thin hi! Krismas apiangin a ‘chumchiap’ thar leh ziah si alâwm! A hnathawhah hian kan la lêng chiang lo a ni mai zâwk ang em? tihte pawh ngaihtuah theih tak a ni.

            Aw le, kumin Krismas kan hma maia Lalpa’n min lo chhawpsak leh reng tawh hi a hmangtu tur Kristian zawng zawngte’n kan Lalpa, Tholeh Krista Isua hi mitthlâ-nausên mai tawh lo ila, a pian laia chanchin ngawt ni lovin, “A mite sual laka chhandamtu a nih thu” te hi ngaihtuah ber zâwk ila. A pianphung kan miththla dawn a nih pawhin nausên ang ni lovin, lei leh vana Lalber leh rorêltu, mihringte hmangaihnaa khat, Amah dotute tân kan ral hmang mei ni bawk si, a lalthuttlenga ropui taka, seraphim leh cherub te’n an hual khup mai laite hi mitthla zawk ila kan ringtu nun pawh hi a chakin kan thlamuang deuh zâwk ang a!

Mihring zinga mi ropui pakhat ni chauh Gandhi-a pawh a birthday-ah a hnathawh zâr zotute’n a hnathawh ropui kan sawi nawn leh thîn a ni a. Krista hnathawh zârzotu kan nih ngai chuan, A birthday lawmnaah hian a pianna thu chauh ni lovin a hnathawh ropui te leh a zâr kan zona hrang hrangte hi sawi uar tel tawh ila. Krismas tûka Ama puala thawhlâwm bâwm kan hûn leh tur pawh hi ‘naupiang / nausên / Lal piang’ etc. ni tawh lovin ‘Lei leh Vâna Lalber chibai bûkna thawhlâwm bâwm’ ni tawh rawh se.

Photo: ICAR complex, Kolasib at night.
Courtesy: Thaiboy of Misual.com.

Hello World!

Pu KT-a leh Misual ho tihdan zirin eng kawng emaw tala mahni tan, thang that lakna'n 'mi dangte tan' te pawh han ti ta ila, a nih beiseiin, ka'n blog ve tan dawn teh ang. Ngaihtuah fe hnuah chauh thupui hlapui chu la tar lang ila. Tun atan chuan duhtawk phawt mai ang.
Theihtawpa tih changtlun zel tum a ni e.